ውክፔዲያ:የአርዕስትና የስም አጻጻፍ ልምድ

የአዲስ መጣጥፍ ሰም ሲያወጡ ይህን መጣጥፍ እንዲያዩ ይመከራል።

ደግሞ ይዩ፦ ሀደሌኤላ አፋር ኢትዮጵያ

እንደ አለም ጠንካራ ዞን ኦሮሚያ ልዩ ዞን ናት

ነጠላ ቃል ይጠቀሙ Edit

ለምሳሌ ስለ መኪና አዲስ ገጽ ሊጨምሩ ከሆነ አርዕስቱን መኪናዎች ሳይሆን መኪና ብለው ይሰይሙት። ለመደቦች ግን የተለየ መመሪያ አለ።

የአማርኛ ቃል ይጠቀሙ Edit

ስለ orange የሚጽፉ ከሆነ አርዕስቱን ብርቱካን ይበሉት፤ በመጣጥፉ መጀመሪያው ዐረፍተ ነገር ላይ ግን በኩር (አሪጅናሉ) ቋንቋ ካለ በቅንፍ ይጻፉት። ለምሳሌ፦

ሴንት ጆንስ (እንግሊዘኛ፡ St. Johns) በአሪዞና የሚገኝ ከተማ ነው።

ኮኝስኮቮላ (ፖሎኝኛ፡ Końskowola) በደቡባዊ ምስራቅ ፖላንድ የሚገኝ ሰፈር ነው።

ከምጻረ ቃሎች ዝርዝር ቃሎችን ይምረጡ Edit

ከምጻረ ቃሎች ዝርዝር ቃሎችን ይምረጡ ግን ከምጻረ ቃሉ ወደዝርዝሩ መያያዣ ይስሩ። ለምሳሌ፦ ኢዜአ ከማለት የኢትዮጵያ ዜና አገልግሎት ይበሉት።

የዘመን አቆጣጠር ሥርዓት Edit

ለስፖርት-ነክ ዓመታት የእግር ኳስ ንዑስ ክፍልን ከስር ይዩ።

የኢትዮጵያ ዘመን አቆጣጠር ቢጠቀሙ ይመረጣል። ነገር ግን ለአሁኑ ጊዜ ዓመታት የሚጻፉት እንደ አቅራቢው ምርጫ ነው። የሚሻ ግን መቆጠሪያው በምን አይነት እንደሆነ በግልጽ ለመግለጽ ነው።

በኢትዮጵያ መቁጠሪያና በግሬጎርያን መካከል የ7 ወይም 8 አመት ልዩነት አለ። ስለዚህ ፦

1998 አመተ ምህረት = 2005 ወይም 2006 እ.ኤ.ኣ.።

ከዚያ ደግሞ የአውሮፓ አቆጣጠር አንዳንዴ "ዓመተ ምህረት' ሊባል ይችላል። ስለዚህ፦

"(ዓ.ም.)" ለኢትዮጵያ ዓመታት

"(እ.ኤ.አ.)" ለግሪጎርያን ብቻ ቢጠቀም ጥሩ ነው።

ወራት ደግሞ የኢትዮጵያ ወይም የግሪጎርያን ሊሆኑ ይችላሉ።

እንደ ዓመታት አይነት ተመሳሳይ ይሁኑ። ምሳሌ፦

December 26, 2005 እ.ኤ.ኣ.

-ወይም-

ታኅሣሥ 18 ቀን 1998 ዓ.ም.

በቀጥታ ወሮችን ከእንግሊዝኛ ወደ አማርኛ የሚያስለውጥ መለጠፊያ ዘዴ አለ።

በተጨማሪ ለመረዳት ውክፔዲያ:የቀን መለወጫ ይዩ።

የቦታ ስም አጻጻፍ Edit

ለአርዕስት፦

የሀገር ስም ከሆነ በቀላሉ ወይም በሙሉ ስሙን መጻፍ ይቻላል። ከሌላኛው ግን መያያዣ መሥራት ጥሩ ነው።

ለምሳሌ፦ ኢትዮጵያ የሚል መጣጥፍ ካለ፣ ከየኢትዮጵያ ፌድራላዊ ዲሞክራሲያዊ ሪፐብሊክ ወደ ኢትዮጵያ መያያዣ መሥራት ያሻል።

የክፍለ ሀገር ስም ከሆነ - ስሙ ከዚያም ነጠላ ሠረዝ (፣) እና አንድ ባዶ ሕዋእ ቦታ (space) እና የሀገሩ ስም

ምሳሌዎች፦

አፓቼ ካውንቲ፣ አሪዞና
ፓሪስ፣ ፈረንሣይ
ሀደሌኤላ፣ ኢትዮጵያ

የትምህርት ቤቶች ስም አጻጻፍ Edit

የትምህርት ቤቶችን ሙሉ ስም ይጠቀሙ። ያስታውሱ፥ በመጀመሪያው መስመር ላይ በኦሪጂናሉ ቋንቋ ይጻፉ።

ምሳሌዎች፦

Arizona State University ወደ አሪዞና ስቴት ዩኒቨርስቲ
Massachusettes Institue of Technology ማሳቹሴትስ ቴክኖሎጂ ኢንስትቲዩት
Northern Arizona University ሰሜን አሪዞና ዩኒቨርስቲ
University of Maryland ሜሪላንድ ዩኒቨርስቲ

የአውሮፕላን ማረፈያ ሰም አጻጻፍ Edit

የአውሮፕላን ማረፊያ ስም ሲጽፉ በተቻለ መጠን ሙሉ ስሙን ይጻፉ። ምሳሌዎች፦

ቦሌ ዓለም አቀፍ አውሮፕላን ማረፈያ
ዋሽንግተን ሮናልድ ሬገን ብሔራዊ አውሮፕላን ማረፊያ

የፊልም አርዕስት አጻጻፍ Edit

የፊልም አርዕስት ሲጽፉ፦

አንድ ከሆነ ስሙን ብቻ ይበቃል
ተከታታይ ወይም ከአንድ በላይ ፊልም በአንድ አርዕስት ካለ የተሰራበትን ዓ.ም. ይጨምሩ (የዘመን አቆጣጠር ሥርዐትን ይዩ)
በስሙ መጽሐፍ ወይም ሌላ ነገር ካለ (ፊልም) ይጨምሩ - ምሳሌ፦ ታይታኒክ (ፊልም)

የሰው ስም አጻጻፍ Edit

አርዕስቱ የሰው ስም ከሆነ "ዶ/ር"፥ "አቶ"፥ "ክቡር"፥ "ወ/ሮ" ፥ ወዘተ አይጨምሩ። በመጣጥፉ የመጀመሪያ መስመር ግን ቢጨምሩ ያሻል። ለንጉሦች ደግሞ "ዓፄ"፥ "ንጉሥ"፥ "ንጉሠ ነገሥት"፥ ወዘተ መንታ መንገድ ለመፍታት ካልሆነ በስተቀር አይጨምሩ።

[[ውክፔዲያ:|መሀመድ ሀከና ሱግኔ]]

እግር ኳስ Edit

ዓመታት Edit

ለእግር ኳስ ውድድሮች፣ የሚካሄዱበት ዓመት በይፋ አርዕስታቸው ስለሚጠቃቀል ከግሬጎርያን ወደ የኢትዮጵያ አቆጣጠር ወይም ከኢትዮጵያ ወደ ግሬጎርያን አይለውጡ። ለምሳሌ፦

የቡድኖችና ክለቦች አሰያየም Edit

F.C. «እግር ኳስ ክለብ» በማለት ይተርጉሙ። ለምሳሌ፦

F.C. Barcelona -> ባርሴሎና እግር ኳስ ክለብ