ክላሚዶሞናስ

ክላሚዶሞናስ የ አረንጓዴ ዋቅላሚዎች ወገን ሲሆን ወደ 325 ገደማ የሚጠጉ ዝርያዎች አሉት። ሁሉም አንድህዋሴ ባለ ልምጭት ሲሆኑ የሚገኙትም በተኛ ውሀ ውስጥ፣ እርጥብ አፈር ውስጥ፣ ጨው አልባ ውሀማ አካላት ውስጥ፣ በባሕር ውሀ ውስጥ፣ በበረዶ ውስጥ ሁሉ ሳይቀር ነው። በሞለኩላር ባዮሎጂ፣ በልምጭት እንቅስቃሴዎች ላይ በሚደረጉ ጥናቶች ውስጥ እና በዘረመል ጥናት ውስጥ እንደ ናሙና አካል በመሆን ያገለግላል። በተጨማሪም በውሃማ አካላት ውስጥ የሚገኙ መርዛማ ክቡድ ብረታ ብረቶችን ለመቀነስና ለባዮፊውል ምርት ያገለግላል።

መግለጫ

አንድህዋሴ ህዋሳት፣ ድቡልቡል ወይም በመጠኑ በርሜሎ ቅርፅ፣ አረንጓዴ እና በአብዛኛው የኩባያ ቅርፅ ያላቸው አረንጓቀፎች፣ ቁልፍ መለያው ሁለቱ በፊትለፊት የሚገኙት ተመሳሳይ መጠን ያላቸው ልምጭቶች ናቸው።

ዝርያዎች

• ክላሚዶሞናስ አሲዶፊላ
• ክላሚዶሞናስ ግሎቦሳ
• ክላሚዶሞናስ ደብርያና
• ክላሚዶሞናስ ካውዳታ
• ክላሚዶሞናስ ኤህረንበርጊ ጎሮዣንኪን
• ክላሚዶሞናስ ኤሌጋንስ
• ክላሚዶሞናስ ሞዉሲ
• ክላሚዶሞናስ ኒቫሊስ
• ክላሚዶሞናስ ኦቮይዴ
• ክላሚዶሞናስ ራይንሓርድቲ
• ክላሚዶሞናስ ዳይሶስቶሲስ

ክላሚዶሞናስ

ስነ ምህዳር

ክላሚዶሞናስ በጨው አልባ ውሃማ አካላትና በእርጥበታማ አፈር ውስጥ በስፋት ተሰራጭቶ ይገኛል። በአጠቃላይ በአሉሚንየም በበለፀግ ምቹጌ ውስጥ ይገኛል። ለብርሃን ትብትነት የሚያግለግሉ ቀያይ የአይን ነጠብጣቦች ሲኖሩት በፆታዊ እና ኢፆታዊ መራቦ ይራባል። የክላሚዶሞናስ ኢፆታዊ መራቦ በዙስፖሮች፣ አፕላኖስፖሮች፣ ሃይፕኖስፖሮች ወይም ፓልሜላ ደረጃ አማካኝነት ሲከናውን ፆታዊ መራቦው ደግሞ በአይሶጋሚ፣ አናይሶጋሚ ወይም ኦኦጋሚ አማካኝነት ይከናወናል።

አመጋገብ

አብዛኛዎቹ ዝርያዎች የግድ በብርሃናዊ አስተፃምሮ ምግባቸውን ማዘጋጀት ሲኖርባቸው፣ ክላሚዶሞናስ ራይንሓርድቲ እና ክላሚዶሞናስ ዳይሶስቶሲስ በጨለማ ውስጥ ቢሆኑ እንኳን አሲቴት ካለ እሱን እንደ ካርቦን ምንጭ በመጠቀም ምግባቸውን ማዘጋጀት ይችላሉ።

ስነ ቅርፅ

• ተንቀሳቃሽ አንድህዋሴ ዋቅላሚ
• በአጠቃላይ ሞላላ ቅርፅ ያለው
• ህዋስ ግንቡ የተዋቀረው ከሴሉሎስ ሳይሆን ከግላይኮፕሮቲንና ከኢሴሉሎሳዊ ፖሊሳካራይድ ነው።
• ተኮምታሪ ፊኝቶች የሚገኙት ከልምጭቶች መሰረት አጠገብ ነው።
• ሁለት ልምጭቶች አሉት።
• ኩባያ ወይም ጎድጓዳ ሳህን የመሰል አረንጓቀፍ በውስጡ ይገኛል