የኖርተን እርጉጥ የተወሳሰቡ የኤሌክትሪክ ኡደቶችን ለማቃለል የሚረዳ ስሌት ነው። እርግጡ እንደሚለው፣ ማናቸውም የምንጮች፣ ኤኤክትሪክ ጅረት ምንጮች እና ኤሌክትሪክ ተቃውሞወች ጥምረት፣ በተመጣጣኝ ሁኔታ በአንድ የኤሌክትሪክ ጅረት ምንጭ እና ከርሱ ትይዩ ባለ የኤሌክትሪክ ተቃዋሚ ሊተካ ይችላል።

በጥቁሩ ሳጥን ውስጥ የሚታዩት የተወሳሰቡ የጅረት ምንጮች፣ የቮልቴጅ ምንጮች እና የቅዋሜዎች ቅንብር በኖርተን እርግጥ መሰረት እቀኝ በሚታየው መልኩ በአንድ ቅዋሜና ከርሱ ትይዩ ባለ በአንድ የጅረት ምንጭ ይተካሉ

ሊኒያር መረብ ትንታኔ
አባላት

አካላት

ቅጥልና ትይዩ ዑደቶች

ተመጣጣኝ ኢምፔዳንስ

ተመጣጣኝ እርግጦች	የኤሌክትሪክ መረብ እርግጦች

መረብ መተንተኛ ዘዴዎች

ሁለት ጫፍ መረብ ትንታኔ

	ተመልከት · ውይይት · ቀይር

በአንድ አይነት ብቻ የሚደጋገም ተለዋዋጭ የኤሌክትሪክ ስርዓት እንዲሁ በኖርተን እርጉጥ መሰረት በተመጣጣኝና ቀላል የኤሌክትሪክ ዑደት ሊተካ ይችላልል። በዚህ ወቅት እርጉጡ ለኤሌክትሪክ ተቃዋሚዎች ብቻ ሳይሆን እንደ ካፓሲተር እና ኢንደክተር ላሉ የኢምፒደንስ አይነቶችም ይሰራል።

የኖርተን እርጉጥ ስሌት

1. መጀመሪያ የኖርተን ኤሌክትሪክ ጅረትን I_No አግኝ።

ይህን ለማድረግ አንድ የኤሌክትሪክ ስርዓት እጫፎቹ A እና B ላይ ጭነት ቢደረግበት ያን ጭነት ማውረድና በምትኩ ዑደቱን እዚያ ቦታ ላይ መዝጋት ያስፈልጋል። ከዚያ በተዘጋው መስመር ላይ የሚፈሰውን የኤሌክትሪክ ጅረት I_AB ማስላት የኖርተን ጅረት I_No ን ይሰጣል።

2. ቀጥሎ የስርዓቱን ኖርተን ቅዋሜውን R_No አግኝ።

ኢ-ጥገኛ ምንጮች ብቻ ላሉዋቸው ዑደቶች የሚሰራ

በAB መካከል ያለውን ቮልቴጅ መጀመሪያ ማግኘት። ይሄውም የሚሆነው በAB ላይ ያለን ጭነት በማውረድና ዑደቱን በመክፍተ በሁለቱ ጫፎች መካከል ያለውን ቮልቴጅ AB በመለካት ነው። R_No እንግዲህ V_AB ለ I_No. ሲካፈል ነው ማለት ነው።

ወይንም እንዲህ ማስላት ይቻላል፦

ኢጥገኛ የሆኑ የቮልቴጅ ምንጮችን በዝግ ዑደት መተካት እና የኤሌክትሪክ ጅረት ምንጮችን በክፍት ዑደት መተካት። ክAB አንጻር የሚሰላው አጠቃላይ ኤሌክትሪክ ቅዋሜ የኖርተን ቅዋሜ R_No. ነው ማለት ነው።

ወይንም

የየቴቭኒን ተቃውሞው ክተሰጠ ከኖርተን ተቃውሞ ጋር እኩል ስለሆነ የቴቭኒኑን ቅዋሜ መውሰድ።

ጥገኛም ሆነ ኢጥገኛ ምንጮች ላሉዋቸው ዑደቶች የሚሰራ አጠቃላይ ስሌት

AB ላይ ቋሚ የሆነ የጅረት ምንጭ ይሰካል። ይህ ምንጭ 1 Ampere ጅረት ያመነጫል። ይህ ከሆነ በኋላ በAB መካከል ያለው ቮልቴጅ ይለካል። ቮልቴጁ ለ1 Ampere ሲካፈል የኖርተን ቅዋሜው R_No ተገኘ ይባላል።

ምሳሌ

መፍትሄ ደረጃ 0: የመጀመሪያ የተሰጠ ውስብስብ ዑደት	መፍትሄ ደረጃ 1: ተመጣጣኝ ወጭ የኤሌክትሪክ ጅረት ስሌት
መፍትሄ ደረጃ 2: ተመጣጣኝ ቅዋሜ ስሌት	መፍትሄ ደረጃ 3: ተመጣጣኝ የኖርተን ዑደት