ንሴት

ማባዛት ተደጋጋሚ መደመር እንደሆነ ሁሉ ንሴት በተራው ተደጋጋሚ ብዜት ነው። ንሴት የሚወከለው ከአንድ ቁጥር ጎን በላይ በተቀመጠ ሌላ ቁጥር ነው። ለምሳሌ : $x^{y}$. እዚህ ላይ x መሰረት ቁጥር ሲባል y ደግሞ ንሴቱ ይባላል። ትርጓሜውም ፣x ቁጥር y ጊዜ እራሱን ሲያበዛ ማለት ነው። ለምሳሌ $2^{3}$, 2 መሰረት ሲሆን፣ 3 ንሴቱ ነው እንላለን፣ ትርጓሜውም $2^{3}=2\cdot 2\cdot 2=8$ ነው።

አልፎ አልፎ፣ በኮምፒዩተር ቋንቋ ንሴት በሚከተለው ምልክት ይወከላል ^ ለምሳሌ : 2^3 ማለቱ $2^{3}$.

የንሴት ምሳሌዎች :

• $5^{3}=5\cdot {}5\cdot {}5=125$
• $x^{2}=x\cdot {}x$
• $1^{x}=1$ ለማንኛውም ቁጥር x

አንድ አንድ ንሴቶች የራሳቸው የሆነ መጠሪያ አላቸው። ንሴት 2, ከሆነ ካሬ (ስኩየር) ይባላል። ምክንያቱም የአንድ ካሬ መሬት ስፋት የሚሰላው እንዲህ $a^{2}$ ተደርጎ ነውና። ስለሆነም

$x^{2}$ የ$x$ ስኩየር ነው እንላለን።

ንሴት 3 ሲሆን, ኪዩብ ወይንም ሳጥን ይባላል ምክኒያቱም የኪዩብ ሙሌት እሚሰላው እንዲህ $a^{3}$ ነውና።

$x^{3}$ የ $x$ ኪዩብ ነው እንላለን።